Brooklyn Beckham duket se po distancohet gjithnjë e më shumë nga familja e tij.
Së fundmi, mediat raportojnë se ai ka shmanguar edhe shkëmbinim e zakonshëm të mesazheve me prindërit, por edhe me vëllezërit dhe motrën e tij, me të cilët dikur kishte një lidhje shumë të afërt.
“Brooklyn u ka thënë prindërve dhe familjes se nuk dëshiron të ketë kontakt me ta dhe nuk po u përgjigjet më as me mesazhe,” tha një burim për PageSix.
Brooklyn, i cili jeton në Los Angeles me bashkëshorten e tij Nicola Peltz, mungoi në festën e ditëlindjes së 50-të të David Beckham muajin e kaluar. Sipas burimeve, arsyeja kishte të bënte me praninë e Kim Turnbull, e cila dikur ka pasur një lidhje me Brooklyn-in, para se ai të njihej me Nicola-n.
Brooklyn Beckham told his family ‘he wants no contact with them’ in heartbreaking feud: sources https://t.co/ZOqvSPKP75 pic.twitter.com/tzPVLFfKqY
— Page Six (@PageSix) June 10, 2025
Një burim pranë familjes theksoi:
“Edhe pse Brooklyn është i acaruar me prindërit dhe me Romeon, nuk ka asnjë arsye që ai të mos ruajë një marrëdhënie me vëllezërit dhe motrat e tjerë, si Cruz dhe Harper.”
Thuhet se pas martesës me Nicola Peltz, Brooklyn është afruar më shumë me familjen e saj, me babain miliarder, Nelson Peltz, dhe nënën e saj, Claudia, ndërsa raportet me familjen Beckham sa vijnë dhe përkeqësohen.
Më shumë rreth dramës në familjen Beckham:
- Nisur nga përçarja në familjen Beckham: Pse jemi të fiksuar me dramat e VIP-ave?
- Tensionet me familjen Beckham: Brooklyn dhe Nicola thonë se duan të bëhen prindër
- Zbulohet arsyeja e nisjes së dramës në familjen Beckham: Zhgënjyese, por jo surprizuese!
- Dramat s'kanë fund! Victoria
- Në mes të tensioneve familjare, Brooklyn Beckham i shpreh dashurinë partneres: “Unë të zgjedh ty”
